নমস্কার, আশা করোরি হাব্বি বলি ইয়া আছ, আজিকা মি আলোচনা করটউটা কিসা করিয়া ফ্রীতে ওয়েব সাইট আহান হঙ্করতাঙাতা আমি হাব্বিয়ে হারপাসি ওয়েব সাইট ওহান কিহান হান্নাপেইলে এরে লেখা এহান পাকরানির কাজে আনুরোধ করোরি (ওয়েব সাইট)। আমি যেতাই ইন্টারনেট চালারাঙ হাব্বিয়ে চারাঙ নিজর নাঙে বা নিজর কোম্পানীগর নাঙে ই্ন্টারনেটে ওয়েবসাইট আহান থাক কিন্তু ওয়েব সাইট আহান হঙ্করটে ডমেইন (ওয়েব সাইট ওহার নাঙহান) ও হোষ্টিং(যে হাত ওয়েবসাইটহার ফাইল জমা থার) লনা লাগের প্লাস ওয়েব ডিজাইন (HTML, CSS, PHP আরতউ আসে) পারানি লাগের মি লেখা এহান লেখানির উদ্দেশ্যহান পয়সা নাটিঙ্করিয়া সুজা ভাবে ও কম সময়ে তুমার তুমার মনর আশাহান থুঙ্করেদেনা। চিন্তা নাকরিয় কামহান কঠিন ইসেহান নাবে। মি আজিকাত ধরিয়া ৫-৬ লেখা (পোষ্ট) লেখতউ ওটা মনহান দিয়া পাকরলে এসারে ওয়েব সাইট আহান হঙ্করে পারতাউ বুলিয়া মনে করোরি। ওয়েবসাইট আহান ফুল ডমেইন হঙ্করলে পয়সা লাগের কিন্তু সাব ডমেইন হঙ্করলে পয়সা না লাগের। ওহান্ন আমি সাব ডমেইন হঙ্কতাঙাই। এপাগা হারপিক সাব ডমেইন ও ফুল ডমেইন এর মধ্যে পার্থক্যহান কিহান, উদাহরনহান দিয়া বুঝাদেঙ যেমন, ফুল ডমেইনহান www.monipuri-it.com আর সাব ডমেইন www.monipuri-it.blogspot.com। ফ্রী সাব ডমেইন প্রবাইডার কোম্পানী ওতারাঙত সাব ডমেইন ব্যবহার করলে ডমেইহাত তাঙর কোম্পানীগর নাঙ আহান ব্যবহার করানি লাগের, যেমন www.monipuri-it.blogspot.com এহান blogger.com সাব ডমেইনহান ওহান্ন blogspot ব্যবহার ইসেতা। ইন্টারনেটে আনেক ওয়েবসাইট বা কোম্পানীয়ে ফ্রীতে সাব ডমেইট দিতারা, ফ্রী সাব ডমেইন দিতার কোম্পানী ওতা ইলটা ১.www.blogger.com ২.www.wordpress.com ৩.www.wapka.com আরতউ আছে। ও আরাক কথা আহান জেটাই ফ্রী ডমেইন দিতারা ওটাই ফ্রী ডমেইন ওহার কাজে নিদিষ্ট পরিমান হোষ্টিং আহানও দিতারা। আমি blogger আমার ওয়েবসাইটহান হঙ্করতাঙাই কারন blogger.com ওয়েবসাইট হঙ্করানি সুজা। blogger.com ইলটা গুগলর সারভিস আহান, আমি হাব্বিয়ে হারপাসি gmail.com একাউন্টহান্ন গুগলর হাব্বি সারভিস ব্যবহার করানি ওকরের। ওহান্ন www.blogger.com ওয়েব সাইট আহান হঙ্করানির আগে gmail.com একাউন্ট আহান খুলানি লকতই। মি আশা করোরি gmail.com একাউন্ট আহান খুলানি পারতাউ।

আসল কামহাত জিগ্গা, blogger.com যেইগা, যে ইমেইলহাত্ত ওয়েবসাইটহা খুলানিচারাই ওহান্ন লগিন করেই, পরে ভাষাহান সিলেক্ট করেই, create a limited blogger profile ক্লিক করেই, Display Name ঘরগত তুমার নিজর নাঙহান বা কোম্পানীগর নাঙহান দেই, continue to blogger ক্লিক করেই, ব্লগারর প্রফাইলগ হঙ্করানিহান লমিল।

এপাগা ওয়েবসাইটহান খুলানি পালাহান, new Blog ক্লিক করেই, তলহার ফটোগর ওসারে ফরম আহান আহিতইতাহে
how to create free website
তলহার ফটোগর ওসারে ফরমহান পূরন করেই
how to create free website
Titel দেই(ফটোগ ১), Address হান দিয়া ঠিক চিহ্ন হান নাহিলে Address হান খানি পরিবর্তন করেই (ফটোগত ২)। Template হান যেকোন আহান দেই(ফটোগ ৩)। পরে Ceate Blog ক্লিক করেই (ফটোগ ৪)। বেস ওয়েবসাইটহান তৈরী ইল।

ফরমহাত যে Address হান দিয়াসিলাই ওহান ব্রাউস করিয়া চেই
how to create free website 2

ফরম ওহার Title, Template পরে পরিবর্তন করানি ওকরের কিন্তু Address হান পরিবর্তন করানি নাকরের ওহান্ন Address হান দেনার সময় খিয়াল করিয়া দিয়।

আজিকা ওয়েব সাইটহান হঙ্করলাঙ পরেরে পোষ্ট ওতাত ওয়েব সাইটহান হাজিতাঙাই।

Comments

comments

লেখা এহান শেয়ার করিয়া হাব্বিরে পাকরানির সুযোগ করেদিক: