নমস্কার, আশা করোরি হাব্বি বলি ইয়া আছ, আজিকার আলোচনার বিষয়হান  HTML। আসলে HTML সম্পর্কে অরতাউ পিসে লেখানির মনাসিলো কিন্তু মানুর দুগর বিশেষ অনুরোধের কারণে এরে লেখা এহান লেখতে বাধ্য ইলো। মি পৈল্লাকাই মাতুরি মি এপাগাউ সয়ংসম্পূর্ণ ওয়েব ডিজাইনার আগ ওনা নুয়ারিসু, মর লেখাত কোন ভুল ইলে ওয়ারউ নাকরে দিবাঙ। আরাক কথা আহান মি  HTML সম্পূর্ন বাঙাদেনা নুয়ারিম, মি HTML সম্পর্কে প্রথমিক ধারনা আহান ‍দিতউ ও ইন্টারনেটেট HTML  ও অন্য Language তাম্পরানির নিয়মহান বাঙাইতউ

পৈল্লাকাই হারপেইক HTML ওহান কিহান এবং HTML কিদিয়া তাম্পরতাঙাইতা ?

HTML নাঙ এহান হুকাঙ নাঙহান এহার ডাঙর নাঙহান Hyper Text Markup Language। HTML এহান ইন্টারনেটর বিশেষ ঠার (ভাষা) আহান , এরে ঠার এহান্ন ওয়েব সাইট হঙ্করতারাহান। HTML  ওহান প্রোগ্রামিং ল্যাংগুয়েজ হান নাবে এহান মার্কআপ ল্যাংগুয়েজ হান।

(এরে লেখা এহাত্ত  প্রোগ্রামিং ল্যাংগুয়েজ ও মার্কআপ ল্যাংগুয়েজর নিয়া আলোচনা করলে লেখাহান ডাঙর ইতই, পিসেদে মার্কআপ ল্যাংগুয়েজ ও প্রোগ্রামিং ল্যাংগুয়েজ নিয়া লেখা আহান লেখতউ।)

পরিস্কার ভাবে হারপানির কাজে উদাহরণ আহান দেঙ, আপনা আসিয়ে পাকরানির কাজে  আমার ওয়েবসাইটহাত জাত জাতর লেখা লেখিয়া থুয়াসি, আমার ওয়েবসাইট হার লেখ ওতা পাকরানির কাজে আপনা আসিয়ে ব্রাউজারগত আমার ওয়েবসাইটহার নাঙহান লেখিয়া Enter দেনার লগে লগে আমার ওয়েবসাইটহার লেখা ওতা দেখাদের। আসলে আপনা আছির ব্রাউজারগই আমর ওয়েবসাইটহার লেখা ওতা  পাকরে পারের ওহান্ন আমার ওয়েবসাইটহার লেখা ওতা আপনা আসির ব্রাউজারগত দেখা দেরতা ।

(আপনা আসিরে সহজ ভাবে বুঝাদেনা এহান মর মন গরা উদাহরন হান, আসল প্রক্রিয়াহান হারপানির কাজে ইন্টারনেটের প্রাথমিক ধারনা (পর্ব- তিন) লেখা ওহান পাকরে দিবাঙ )

ব্রাউজারগই বাংলা ইংলিশ হিন্দী কিতাউ পাকরে নুয়ারের পাকরে পারেরতা HTML ঠার(ভাষা) হান। ওহান্ন আমিউ আমার ওয়েবসাইটহার লেখা ওতা ব্রাউজারগই পাকরে পারানির ওসাদে HTML ঠারন লেখিসি।

তারমানে, ওয়েবসাইট আহান হঙ্করানির আগে HTML তাম্পরানি লাগতই।

ওহান ইলে আমি মনেকরে পাররাঙ, ওয়েবসাইট আহান হঙ্করানি মানে ব্রাউজারগই পাকরে পারানি লেখা আহান লেখানি। HTML চাল্লকরে পারানির কাজে ব্রাউজারগরে মানু আগ আর HTML তার ঠার হান মনে করে দিবাঙ।

HTML কোঙগই হঙ্করিসেগ ?

HTML হঙ্করিসে গিরকগ  Tim Berners-Lee,  ‍স্যার Tim Berners-Lee এ ১৯৯০ সালে তার সার্ভারগত পৈল্লকা  HTML ব্যবহার করিসিল।

কিসারে HTML লেকতারাটা ?

আমি যেক্ক শব্দ আহার লগে শব্দ আহান লাগিয়া মনহার ভাবহান প্রকাশ কররাঙ ঠিক ওসারে HTML এউ HTML Tag আগর পরে আগ লেখিয়া ওয়েবসাইট আহান হঙ্করতারাতা। HTML  লেখিয়া  ‍সেইভ করানির সময় .html বা .htm এক্সটেনশন হান্ন সেইভ করানি লাগের

Tag কি?

Tag ইলতা HTML প্রধান উপাদানহান Tag সারা HTML কল্পনা করে নুয়া ররাঙ। আমি যেসারে আমার  মনর ভাবহান প্রকাশ করানির কাজে নির্দিষ্ট শব্দ আকিহান ব্যবহার কররাঙ ঠিক ওসারে ব্রাউজারগরে নির্দিষ্ট বিষয় আহান বুঝাদেনার কাজে HTML এ নির্দিষ্ট শব্দ আকিহান ব্যবহার করানি লাগের ওরে শব্দ ওতারে Tag মাত্তারা। যেমন, কোন ফাইল আগরে HTML ফাইলগ হিসেবে ঘোষনা করানির কাজে এরে <!DOCTYPE html> টেগ বা শব্দ এহান ব্যবহার করানি লাগের।

কিসারে Tag  লেখতারাতা ?

Tag লেখানির কাজে নির্দিষ্ট ইংরেজী শব্দ ও নির্দিষ্ট special characters ন সুবিন্যস্ত করিয়া  HTML Tag লেখাতারা। যেমন <h1> এহান হেডিংহান</h1>

HTML লেখানির সময় যে সব special characters বেশি ব্যবহার ওর,

<  (less-than)

> (greater-than)

/ (forward slash)

Tag কত প্রকার ?

Tag লেখানির নিয়ম দিক ‍দিয়া বিবেচনা করলে Tag দুই প্রকার।

১. সিঙ্গেল ট্যাগ (Single Tag)

২. ডবল ট্যাগ (Double Tag)

সিঙ্গেল ট্যাগ (Single Tag) ও ডবল ট্যাগ (Double Tag) সম্পর্কে প্যাটিকল লেখা হাত আলোচনা  করলে হবা ইতই।

 

Comments

comments

লেখা এহান শেয়ার করিয়া হাব্বিরে পাকরানির সুযোগ করেদিক: