নমস্কার, মি শ্যামল সিংহ Monipuri IT পক্ষত হাব্বিরে লেইচন্দন দেউরি। আজিকা আমি মাতেপাররাঙ আমার মানুরঠারনও ইন্টারনেটে ওয়েবসাইট আছে। অনেক কষ্টের পরে আজিকা আমার দ্বিতীয় ওয়েবসাইটহান ইন্টারনেটে এরাদিলাঙ।

Monipuri-it.com হঙ্করানি কারনহান, যতই দিন যারগা আমার মানুরাঙত মনিপুরী সংস্কৃতি ওহান মাঙযারগা এসার ইয়া গেলেগা সময় আহাত পূথিবীহাত আমার অস্তিত্ব নাথাইব। ইন্টারনেটন উদাহরণ আহান দেঙ, বতমান যোগহান ইন্টারনেটর যোগহান কিন্তু ইন্টারনেটে উইকিপিডিয়ার চারিহা পাঁচহান পাতা ছারা ইন্টারনেটে আমার কোন অস্তিত্ব নেই।

কিদিয়া এসারে ইয়াজারগাতা? এসারে ওনার কারণহান আমি নিজর সংস্কৃতির চর্চা নাকররাঙ, নিজর ঠারন ওতারানি লাসপারাঙ, নিজর ঠারন না লেখরাঙ, নিজর ঠার না পাকররাঙ।

আমি মনে কররাঙ এরে ওয়েবসাইট এহান পাকরিয়া নিজর ঠারহার চর্চা করানি পারতাঙাই ও মানুয়ে ইন্টারনেটে আমার জাতির অস্তিত্বহান অনুভব করতাই।

আমি আমার ওয়েবসাইট এহান বাংলান হঙ্করানি কথা আসিলহান কিন্তু এরে বিষয় এতা বিবেচনা করিয়া নিজর বিবেকে বাধা দিল ওহান্ন আমি আমার ইমার ঠারন হঙ্কলাঙ।

Monipuri-it.com উদ্দেশ্যহান, আমার মানু হাব্বি এক করানি। আলোচনা করিয়া আমার মানুর প্রযুক্তি জ্ঞানহান সালকরানি করানি।

আমার আরাক ওয়েবসাইট আহান, এহান আমার পৈল্লাকার ওয়েবসাইটহান এরে ওয়েবসাইট এহাত বাংলাদেশের মোবাইলর দাম তথ্য হারপাপারতাউ, www.mobilebd.net

আরাক কথা আহান, সহজ করিয়া লেখানির কাজে বা বুঝাদেনার কাজে আপনা আছিরারে তুমি সম্বোদন করিসো বিষয় ওহান ওয়ারৈ নাকরেদিবাঙ।

আমার ফেইসবুক পেইসহান: Monipuri it
আমার ফেইসবুক গ্রুপহান: Monipuri-it

Comments

comments

লেখা এহান শেয়ার করিয়া হাব্বিরে পাকরানির সুযোগ করেদিক: